About this app

Инеш һүҙ

Барса маҡтауҙарыбыҙ Аллаһҡа! Уны беҙ маҡтайбыҙ, Унан ярҙам һорайбыҙ, Уға истиғфəр (Истиғфəр «ғəфү итеүҙе һорау» тигəнде аңлата) ҡылабыҙ. Уға күңелдəребеҙҙең яуызлыҡтарынан, яман эштəребеҙҙəн һыйынабыҙ. Кемгə Аллаһ һидəйəт бирə, шул кешене аҙаштырыусы булмаҫ, ə кемде Аллаһ аҙаштыра, шул кешегə тура юл күрһəтеүсе булмаҫ. Аллаһтан башҡа илаһ юҡ, һəм Мөхəммəт ( صلى الله عليه وسلم) – Уның ҡоло һəм илсеһе, тип шаһитлыҡ ҡылам. Ҡиəмəт көнөнə ҡəҙəр Аллаһы Тəғəлəнең салауат- тары һəм сəлəмдəре уға, уның сəхəбəлəренə һəм уларға ихсан менəн эйəргəн кешелəргə өҙөлмəһен.
Ə артабан...
Ошо «Тəүхид нуры һəм ширк ҡараңғылыҡтары» тигəн ҡыҫҡа яҙмамда мин тəүхидте, уның дəлилдəрен, төрҙəрен, емештəрен; шулай уҡ ширкте, уға ҡаршы дəлилдəрҙе, шəфəғəтте – ярағанын һəм ярамағанын, ширк сəбəптəрен һəм юлдарын, төрҙəрен һəм тармаҡтарын, ҡурҡыныс һөҙөмтəлəрен бəйəн иттем.
Һис шикһеҙ, тəүхид – ул Аллаһы Тəғəлə телəгəн ҡолона бирелə торған нур, ə ширк – ул кафырҙарға матур күрһəтелгəн күп ҡатлы ҡараңғылыҡтар. Ҡөрьəндə Аллаһы Тəғəлə:
«Элек үлек булған, һəм Беҙ уны терелтеп уға нур биргəн, – ул шуның менəн кешелəр араһында йөрөй, – ҡараңғылыҡта булып унан сыҡмаған кешегə оҡшашмы ни? Кафырҙарға шулай зиннəтлəнгəн эшлəгəн эштəре!» – тигəн («Мал-тыуар» сүрəһе, 6:122).
Аллаһы Тəғəлəнең беҙгə аңлатып биреүенсə, Ул Мөхəммəт пəйғəмбəргə ( صلى الله عليه وسلم) асыҡ аяттар һəм яҡты дəлилдəр индергəн, шуларҙың иң бөйөгө – Ҡөрьəн. Ошо пəйғəмбəр һəм уға бирелгəн Китап һəм хикмəт (сөннəт) аша Аллаһы Тəғəлə кешелəрҙе аҙашыу, ширк һəм йəһиллек ҡараңғылыҡтарынан иман, тəүхид һəм ғилем нурына сығара:
«Һеҙҙе ҡараңғылыҡтан яҡтылыҡҡа сығарыу өсөн Үҙ ҡолона асыҡ аяттарҙы Ул индерə. Аллаһ, ысынлап та, һеҙҙе Ҡыҙғаныусы, Рəхимле!» («Тимер» сүрəһе, 57:9).
Аллаһы Тəғəлəнең бөйөк исеме менəн шуны һорайым (ул исем менəн һорағанға бирелер): ошо бəлəкəй генə ғəмəлде бəрəкəтле һəм ихлас ҡылып, миңə уны был донъяла ла, теге донъяла ла файҙалы ҡылһын, һəм, шулай уҡ, ул кемгə барып етһə, шуға ла ярҙам күрһəтһен. Ысынлап та, Раббыбыҙ бит – беҙҙең ялбарыуҙарыбыҙҙы иң яҡшы Ишетеүсе, телəктəребеҙҙе донъяға ашырыусыларҙың иң яҡшыһы һəм Ул – иң яҡшы Яҡлаусы! Бар маҡтауҙарыбыҙ Ғалəмдəр Раббыһы Аллаһҡа! Уның ҡоло һəм тоғро илсеһе булған пəйғəмбəребеҙ Мөхəммəткə ( صلى الله عليه وسلم) Ҡиəмəт көнөнə ҡəҙəр салауаттар булһын, шулай уҡ – уның сəхəбəлəренə һəм һəм уларға ихсан менəн эйəргəн кешелəргə...

Китап авторы. 16/10/1419 йыл, Һижри тəҡүим.

App Permissions

Allows using PowerManager WakeLocks to keep processor from sleeping or screen from dimming.
Allows an application to modify the current configuration, such as locale.
Allows an application to write to external storage.
Allows applications to open network sockets.
Allows an app to create windows using the type TYPE_APPLICATION_OVERLAY, shown on top of all other apps.
Allows an application to read from external storage.